မြန်မာနိုင်ငံလုံးဆိုင်ရာအရက်သမားများအသင်း(MDL Announcement-1)

မြန်မာနိုင်ငံလုံးဆိုင်ရာအရက်သမားများအသင်း(MDL) ကြေညာချက်အမှတ်(၁)

မြန်မာနိုင်ငံတွင်ဖြစ်ပေါ်ခဲ့သောနာဂစ်မုန်တိုင်းဒဏ်ကြောင့်ပျက်စီးဆုံးရှုံးမှုကြီးမားစွာဖြစ်ပေါ်ခဲ့ပါသည်။ ယခုအခါပြန်လည်ထူထောင်ရေးလုပ်ငန်းများနှင့်အတူနိုင်ငံတကာမှအကူအညီများရရှိလျက်ရှိပါသည်။ သို့ရာတွင်မုန်တိုင်းဒဏ်ခံရသူများတွင်အရက်သမားများလည်းပါဝင်လျက်ရှိပေရာထိုသူတို့အတွက် အထောက်အပံ့များလိုအပ်လျက်ရှိပါသည်။သို့ဖြစ်ရာလေဘေးဒဏ်ခံရသည့်အရက်သမားများ သောက်သုံးရန်ပစ္စည်း၊သို့မဟုတ်ငွေအားဖြင့်ရက်ရက်ရောရောလှူဒါန်းလိုသူများအသင်းကြီးနှင့် အမြန်ဆက်သွယ်လှူဒါန်းနိုင်ပါသည်။ ( ပုံ။ ကိုကိုဖရီး-အမ်ဒီအယ်လ်အမှုဆောင်)

အရောင်မဲ့ဘာသာစကား ( colorless words)

မြတ်စွာဘုရားသည်အလယ်အလတ်လမ်းစဉ်ကိုချီးကျူးတော်မူ၏။....ထို့ကြောင့်.......

မိတ်ဆွေတို့---လောကတွင်အရောင်များစွာရှိကုန်၏။လူတို့သည်မျက်စိပသာဒအလို့ငှာ အရောင်များကိုရွေးချယ်ကြကုန်၏။မိမိတို့နှစ်သက်ကုန်ကြသောအရောင်တို့မှာလည်း တစ်ဦးနှင့်တစ်ဦးကွဲပြားကြကုန်၏။အချို့အဖြူရောင်ကြိုက်၏။အချို့အနက်ရောင် နှစ်သက်၏။အချို့အပြာရောင်သဘောကျစဉ်အချို့ကအနီရောင်ကိုလိုလားကုန်၏။ မိတ်ဆွေတို့..သင်တို့လည်းမိမိတို့ကြိုက်သည့်အရောင်ကိုလွတ်လပ်စွာကြိုက်နိုင်သည်။ ..သို့သော်မိမိအ၀ါရောင်ကြိုက်တိုင်းအညိုေ၇ာင်ကိုမကောင်းဘူးဟုမပြောသင့်ပေ။ အပြာရောင်မှကြိုက်သူကိုအဖြူရောင်ကြိုက်ရန်အပင်ပန်းခံမပြောအပ်။..အရောင်သည် မတည်မြဲခြင်းတရားရှိ၏။အကြိုက်သည်ပြောင်းလဲတတ်၏။အရောင်သက်သက်မူပကတိ တရားတစ်ခုသာဖြစ်၏။မည်သည့်အရောင်မှမခံစားတတ်သူတို့လည်းရှိကြသေး၏။ ထိုသူတို့အဖို့ကားအရောင်မှဖြစ်သောဒုက္ခကင်းကုန်ကြ၏။တိုတောင်းလှသောဘ၀တွင် ဆင်းရဲကင်းအောင်ကြိုးစားသင့်ကုန်သည်မဟုတ်ပါလော။

(ကိုကိုဖရီးသည်ကား..အရောင်စွဲကင်းအောင်ကျင့်နေပါ၏။ထို့ကြောင့်ပျိုမြစ်နုငယ်သော မည်သည့်မိန်းကလေးမဆိုအသားအရောင်....ဖြူ၊မည်း၊၀ါ၊ညိုမရွေးနှစ်သက်တတ်လာ၏)

မှတ်ချက်။ ။ အဟီး..ဟာသဓာတ်ခံလေးရှိနေတော့မရေးရမနေနိုင်လို့နားလည်ပေး ကြပါရန်။ ။

ဆြာဖရီး၏နာဂစ်အလွန်ဟောစာတမ်း ( Sir's Free-Foretelling)

နာဂစ်ကြောင့်

၁။သားဆိုး၏မိုးထိအောင်ထောင်ထားသောဆံပင်များလဲပြိုကုန်အံ့

၂။ကြက်ဥဘဲဥဈေးကြောင့်ကြက်ဘဲများအချိန်ပိုဥဥ ရအံ့။

၃။လူအချို့ထမင်းအိုးမှောက်စဉ်လူအချို့ အန်ဖတ်ဆို့ကုန်အံ့။

၎။ဘုံပျောက်ကုန်သောစုံတွဲများကြောင့်တည်းခိုခန်းအချို့ပွပေါက်တိုးအံ့။

၅။အိမ်သုံးလျှပ်စစ်ပစ္စည်းများအတိတ်မေ့ကုန်အံ့။

၆။ရေချိုးရအဆင်မပြေသောလူများကြောင့်ရေမွှေးcompanyများ

အရောင်းတက်အံ့။

၇။ငါးအစားနည်းလာသောကြောင့်ငါးများအသက်ပိုရှည်ကုန်အံ့။

၈။ရုက္ခစိုးများဘုံပျောက်ကုန်အံ့။

၉။တောထွက်မည့်ကိုကိုဖရီးဆိုသောကောင်ကလေးသံဝေဂဥာဏ်

ပိုမိုရင့်သန်လာအံ့။

နာဂစ်လားသဘာဝရဲ့ဓမ္မဆရာလား ( Natural Teacher)

၂ ရက်နေ့ နေ့လည်ပိုင်း မှမုန်တိုင်းရှိမှန်းသိ။ လူအချို့ စောစောပြန်ကုန်ကြ။ ...အချို့ကဘာသိဘာသာ။ညနေဘက်ဟိုဒီလမ်းသလားခဲ့။...မုန်တိုင်းသတင်းမသိသူတောင်တွေ့ရ။ ညနေခင်းကပုံမှန်လို။ဇဝေဇ၀ါစကားသံများ။....အိမ်ပြန်ရာလမ်း ည ၈နာရီခန့် မှာ လေတိုက်ပုံကိုသတိထားမိခဲ့။ ညဘက်ကခါတိုင်းလို။ သန်းခေါင်ညကလေပြင်းကိုမိတ်ဆက်ပေး။ ဒါမုန်တိုင်းလား...။ စိုးရိမ်မှုစတင်လာလည်းအိပ်စက်ခြင်းကဆွဲခေါ်သွား။ သို့သော်...၀ုန်း.. ဝေါ..ရွှီး...လေသံနဲ့အိပ်ငိုက်ခြင်း

ကြားလူးလွန့်နေမိခဲ့။ ..ဖျတ်ခနဲနိုးတော့ ၅ နာရီ။ ...မုန်တိုင်းသရုပ်ဝင်နေပြီ။..ဇတ်ကနာခန်းပို့နေပြီ။ လေကအဘက်ဘက်မှတိုက်။ နောက်တော့..အရှေ့ေ့မြာက်မှစစ်ဆင်ရေးဝင်နေ။ ...အရာရာမှိုင်းမှုံနေ အပြင်ဘက်မှာသက်ရှိဆိုတာ..နိုး။ ဇတ်သိမ်းခန်းကို ခန့်မှန်းမှုများစွာနဲ့ ငြိမ်သက်နေခဲ့။ အချိန်ကြာလေ လေထန်လေ...ဇတ်သိမ်းခန်းနီးလာပြီ။ မနက် ၁၁ နာရီခန့်။ ..အားလုံးအသက်ဝင်လာ။ မယုံနိုင်စရာများထွေးပွေ့။ တွေ့ရတဲ့ဇတ်ကားအဆုံးအခင်းအကျင်းကတော့....

နေရာက ရန်ကုန်မြို့သစ်မှ ရပ်ကွက်တစ်ခု။ လူတွေ....အသက်မဲ့မျက်နှာပေးများ။ တုန်လှုပ်မှုဘာသာစကားတွေ။ နေရာတိုင်းကထောင်းလမောင်းကြေနေပြီ။ လဲပြိုကျိုးကျနေတဲ့သစ်ပင်နဲ့ဓာတ်တိုင်များ၊ ပျက်စီးယိုယွင်းကုန်တဲ့နေအိမ်များ...။ ပွဲတော်ဖြစ်ကုန်တဲ့ဈေးဆိုင်တချို့ နဲ့ ရပ်တန့်ကုန်တဲ့စက်သံရွေ့လျားမှုတွေ။.. လေထုထဲ ပူလောင်မှု၊ စိုးရိမ်မှု၊ ခြောက်ခြားမှုရနံ့တွေ လွင့်ပျံ့လာဆဲ။... ဇတ်သိမ်းခန်းကမဆုံးနိုင်တဲ့အတွေးစတွေချန်ရစ်ခဲ့ပြီ။ မကြုံချင်တဲ့မနက်ဖြန်များစွာစောင့်ကြိုနေဆဲ။..မယုံချင်တဲ့သတင်းတွေများစွာပြန့်ကားနေဆဲ။ ငိုသံတွေနဲ့ညတွေချောက်ချားနေခဲ့.....နာဂစ်ကဘယ်ရောက်သွားပြီလဲ........။

ကိုကိုဖရီးနှင့်သူတို့ (2).....(me and Thingyan women)

continue..တချို့က လူပြိုတဲ့လေ။ လမ်းလျှောက်ရင် ဆင်ထီးယဉ်သာပုံလေးနဲ့လျှောက်တာကို မူးပြီးလဲပြိုတော့မယ့်ပုံမို့တဲ့။ (တကယ်တော့ ကိုကိုဖရီးက မမူးရင်သာလဲတာပါ။ မူးရင်ဘယ်တော့မှလဲတတ်တာမဟုတ်ဘူး) တချို့ကလည်း ကိုကိုဖရီးရဲ့ တောင်ပူစာလေးပမာစူထွက်နေတဲ့ဗိုက်လေးကိုကြည့်ပြီး လူအိုတဲ့လေ။ ဗိုက်ကိုက ငါးလဗိုက်တဲ့။ အဟင့် …တားတားကိုတူတို့ပြောရက်လိုက်ကြတာဂျာ။ မဆိုသလောက်လေးသောက်လို့ထွက်လာတဲ့ဗိုက်လေးပါ။ (သောက်တာကလည်းတစ်လလုံးမှနှစ်ရက်တည်းလေ။ မိုးရွာတဲ့ရက်ရယ် မိုးမရွာတဲ့ရက်ရယ် နှစ်ရက်လေးရယ်ပါခင်ည) လေဥ ..အဲ..ဟုတ်ပေါင်… ကိုယ်ဝန်မဟုတ်ပါဘူးခင်ဗျာ။ ဘာပဲပြောပြောရဲမျက်မှန်မှာစိတ်ချရ….အဲ…

ဘာပဲပြောပြော ကလေးတွေကောင်းမှုနဲ့ရေတော့အလောင်းခံခဲ့ရပါတယ်။ အီး…ကံဆိုးချင်တော့…တောက်…..ခွေးသားလေးတွေ..ဘယ်ကရေတွေနဲ့ လောင်းလိုက်မှန်းမသိဘူး။ တစ်ကိုယ်လုံးကိုနံစော်လို့ အိမ်ကျတော့ ရေတိုင်ကီဝက်လောက်ကုန်သွားတဲ့အပြင် ညကျတော့လဲ ယားလိုက်တာ မပြောပါနဲ့တော့။ ဖြစ်ပုံများပြောပါတယ်။ ။

ခင်မင်လေးစားစွာဖြင့်…….ကိုကိုဖရီး