ကို ကို F R E E

Jul 5, 2012

ကိုကိုဖရီး နှစ်လုံးတည်းနှင့်ဘောင်းဘီကျပ်ရခြင်း

မိတ်ဆွေတို့ရေ.. ခုတစ်လော ကိုကိုဖရီး တစ်ယောက် နှစ်လုံးတည်းနဲ့ ဘောင်းဘီကျပ် သလို ဖြစ်ဖြစ်နေပါတယ်။ တစ်မျိုးတော့မထင်ပါနဲ့.. ဟီး...အဲ့ဒါကတော့ ကိုယ့်နိုင်ငံကိုတောင် မြန်မာလို့ ခေါ်ရမလား ဗမာလို့ ခေါ်ရမလား ဝေခွဲမရလို့ ပါခင်ဗျ။ အင်း..မြန်မာ...နဲ့....ဗမာ ဆိုတာ နှစ်လုံးတည်းဆိုတော့လဲ ကျပ်လည်းကျပ်ချင်စရာပဲကိုး။ ငြင်းခုန်နေကြတဲ့ သူတွေကလဲ သူ့ဘက်က မှန်သလို ကိုယ့်ဘက်က မမှားသလိုနဲ့ အကြိတ်အနယ် ဆက်ကန်..အဲ.. အခိုင်အမာ ပြောဆိုနေကြလေရဲ့။ ဗမာလို့ ရပ်တည်ချင်တဲ့ သူတွေဘက်က ဗမာ့လွတ်လပ်ရေးတပ်မတော် (BIA) ကို မြန်မာ့လွတ်လပ်ရေး တပ်မတော် (MIA) ဆိုပြီး လုပ်လို့ရမလားဆိုပြီး ထပွက်လောရိုက်နေသလို မြန်မာဘီယာ ကို ဗမာဘီယာ ဆိုပြီးပြောင်းရင်လဲ မြန်မာတို့ရဲ့ ထရိတ်မတ်ဘီယာလေး ပျောက် သွားမှာပေါ့ဆိုပြီး မြန်မာလို့ ဆက်ခေါ်ချင်သူများကလဲ တစ်ဘက်ကအလျှော့မပေးသေးသဗျ။ အင်း..နိုင်ငံခြားအဖွဲ့တွေကတော့ ကြားထဲကထွင်လိုက်တာ ရှင်းတယ်..Myanmar/Burma တဲ့..ကဲ. ..ပြီးရော။ ဟိဟိ ။ ဒီတော့ ကိုကိုဖရီးလည်း ကိုကိုဖရီးတို့ရဲ့ အမ်ဒီအယ်ခေါ် မြန်မာနိုင်ငံလုံးဆိုင်ရာ အရက်သမားများအသင်း (MDL- League for Myanmar Drinkers) ကို ဘီဒီအယ် ခေါ် ဗမာနိုင်ငံလုံး ဆိုင်ရာ အရက်သမားများအသင်း (BDL- League for Burma Drinkers) ဆိုပြီး ပြန်ပြောင်းရမလား မပြောတတ် တော့ဘူးခင်ည။ ဒါကြောင့် ရီဖရန်ဒန်ခေါ် အရက်သမားများ၏ ဆန္ဒနှင့် အညီ ဆက်လက်ဆောင်ရွက်သွားမည်ဖြစ်ရာ အများဆန္ဒအရ ( ဟိဟိ...တစ်ဦးမှလဲ မပါဘဲနဲ့) အောက်ပါ အထင်ကရ သြဇာမလကာကြံချောင်း ကြီးမားလှသည့် ၀ါးရင့်ပုဂ္ဂိုလ်ကြီးများပါဝင်သော အမ်ဒီအယ်ဘုတ်အဖွဲ့ကြီးမှ စည်းကမ်းပြည့်ဝသည့် ဟုမ်းမိတ်ဒီမိုကရေစီနယူးဖော်မြူလာနှင့်အညီ ကြီးမှူး ဆောင်ရွက်သွား မည်ဖြစ်ကြောင်း ကြိုတင်အသိပေးအပ်ပါသည်။

(၁) ကိုကိုဖရီး ( အ.က.ထုတ်. - ဥက္ကဌ )

(၂) ဒေါက်တာဖရီး ( အတွင်းရေးမူး ) ( မှတ်ချက် ။ ဒေါက်တာချက်ကြီးနှင့် အမျိုးမတော်ပါ)

(၃) မောင်မောင်ဖရီး ( လက်ယာ တွဲဖက်အတွင်းရေးမူး) ( မှတ်ချက် ။ မောင်မောင်စေတန်မဟုတ်)

(၄) ညမင်းသားဖရီး (လက်ဝဲအတွင်းရေးမူး) ( မှတ်ချက် ။ ညမင်းသားလေး၏မိတ်ဆွေတစ်ဦးမျှသာ)

(၅) မိုးကျရွှေဖရီး (တွဲဖက်လက်ထောက်ပူးတွဲအတွင်းရေးမူး) ( မှတ်ချက် ။ မိုးကျရွှေကိုယ်နှင့် မှားယွင်းခြင်းသည်းခံပါ)

ပုံ။ ကိုကိုဖရီး

ချဲရောင်းမယ် (Chairman)

MDL/BDL

Jun 23, 2012

ကိုကိုဖရီး၏မဟာကိုရီးယားစစ်တမ်း

ခုတစ်လော ကျွန်ုပ်ကိုကိုဖရီးတစ်ယောက် မြန်မာပြည်တွင် အရှင်လတ်လတ်ကြီးရှိလျက် ကိုရီးယား ရောက်နေသည့်ပမာ တစ်ယားတည်းယားနေကြသော မြန်မာအမျိုးသမီးများကို ကြည့်ပြီးနားမလည်နိုင်စွာရှိမိပါ၏။ ကိုကိုဖရီးထက်ပဲ ကိုရီးယားမင်းသားတို့က သာချောပေလို့လော...ငှင်းငှင်းငှင်း။ အိမ်း....မည်သို့ပင်ဆိုစေကာမူ မြန်မာအမျိုးသမီးပျိုပျိုအိုအိုတို့အား ကြောက်ခမန်းလိလိ ကိုရီးယား ဇတ်လမ်းတွဲများက ပြုစားထားသည်ကို အလွန်တရာမှ မအောင့်အည်းနိုင်လောက်အောင် အီအီးထွက်မတတ် ကိုကိုဖရီးတစ်ယောက် စိတ်ဝင်စားလာရပေသည်။ သို့ဖြစ်၍ တစ်နေ့သ၌ အချိန်ယူပြီး သုံးသပ်နိုင်ရန် ကျွန်ုပ်ကိုကိုဖရီးသည် မြန်မာစာတန်းထိုးကိုရီးယား ဇတ်လမ်းတွဲခွေများ ( ဟ၀ှာခွေများမဟုတ်) အား ၀ယ်ယူကာ ဘီယာလေးတစ်မြုံ့မြုံ့ အာလူးကြော်လေး တစ်ကိုက်ကိုက်ဖြင့် ဇိမ်ကျကျ ကြည့်မိလေ တော့သတည်း။ ဤသို့ အားရပါးရ သောက်ပြီး ...အဲ..အဲ.. ကြည့်လိုက်သည်မှာ တစ်ထိုင်တည်းနှင့် အချပ်ရေပေါင်း (၈) ချပ်ခန့် ဇတ်လမ်းတွဲပေါင်း ၃ ခုခန့်နှင့် ဘီယာပုလင်းပေါင်း ၁၀ လုံးခန့် ခရီးရောက်ခဲ့ ပေသည်တကား။ ထိုမျှလောက် ပမာဏလေး ကြည့်ရုံနဲ့ပင် ကိုကိုဖရီးတစ်ယောက် ကိုရီးယားကားများ၏ အလွန်တရာမှ ထူးဆန်းလှသကဲ့သို့ အလွန်တရာမှပင် ဖန်တစ်ရာ ထပ်နေသော အချက်များအား မှတ်တမ်းတင် တွေ့ရှိခဲ့လေတော့သည်။ ယင်း top ten စာရင်းဝင် တွေ့ရှိချက်များမှာ အကုန်အကျခံ လေ့လာထားရသော် လည်း ဖရီးဆိုလျှင် သိပ်သိပ်ကြိုက်သည့် ကိုကိုဖရီး၏မူအတိုင်း အောက်ပါအတိုင်း အခမဲ့အလကား ဖရီးဝေမျှ လိုက်ရပါ၏ ။ ကောင်းမွန်ရိုသေစွာဖတ်ရှုကြကုန်လော့ ......

(၁) ကိုရီးယားကားများတွင် ရုပ်ဆိုးဆိုး၊ ချောချော အရွယ်စုံ သရုပ်ဆောင်ပေါင်း အနည်းဆုံး ၂၀ ခန့် မှာ ဇတ်ရုပ်ပေါင်းစုံဖြင့် ပါဝင် လေ့ရှိသည်။ ( သရုပ်ဆောင် ၄ ဦးလောက်နှင့် ဘာလုပ်ကိုင်စားသောက်နေကြမှန်းမသိ ပြီးသွားတတ်သော မြန်မာကားများနှင့် နှိုင်းယှဉ်ကြည့်ပါကုန်)

(၂) ကိုရီးယားကားများတွင် အစားအသောက်ခန်းများသည်ကား အမှန်အကန်စားသောက်ရခြင်းဖြစ်ပေသည်။ ( မြန်မာကားများမှာမူ အပေါစားပေါင်မုန့်များစား၊ အရက်သောက်ခန်းပါလျှင်တောင် သူဌေးသောက်လဲ မန္တလေးရမ်၊ ဆင်းရဲသားသောက်လဲ မန္တလေးရမ်နှင့် မသောက်ရတာချင်းအတူတူတောင် ငါးမုန့်ကြော်လေး တစ်ပန်းကန်မျှနှင့် မွဲရှာလေသတည်း. အဟင့် ဟင့်)

(၃) ကိုရီးကားများတွင် စကားပြောစရာရှိပါက ကော်ဖီဆိုင်သို့သာ အလိုလိုရောက်နေတတ်ကြကုန်၏။ ( ထိုကော်ဖီဆိုင်မျိုးများမှာ ကိုရီးယားတွင်မူ ပေါများလှသော်လည်း မြန်မာပြည်တွင်မူ ပိုက်ဆံရှိလူတန်းစား များသာ သွားနိုင်သောနေရာများဖြစ်လတ္တံ့)

(၄) ကိုရီးယားကားများတွင် ကောင်မလေးများမှာ အလွန်တရာမှ လက်ရဲဇက်ရဲရှိကြပြီး လမ်းခွဲခါနီးတိုင်း ကောင်လေးမှ လှည့်ထွက်သွားပါက အနောက်မှ ခါးကို မဟားဒယား အတင်းလိုက်ဖက်တတ်ကြကုန်၏။ ( ကိုကိုဖရီး ကတော့ ဒီလိုအဖက်ခံ ရရင် တစ်ခါတည်း ပျော့ကျသွား.. အဲ.. ပျော်သွားမည်ဖြစ်ခြင်း..ဟိဟိ)

(၅) ကိုရီးယားကားများတွင် လူငယ်မှသည် လူကြီးများအထိ စုံတွဲဇတ်လမ်းပေါင်းများစွာဖြင့် ဒီလူကဟိုလူကြိုက် ဟိုလူက တစ်ခြားသူကြိုက် တစ်ခြားသူက နောက်တစ်ယောက်ကိုကြိုက်.. နောက်တစ်ယောက်က ဟိုလူကိုပြန်ကြိုက်... ဟာ ရှုပ်လာပြီ။ အဟင့်..ရေးရင်းရေးရင်းက ဖရီးတောင်မှ ရှုပ်လာပြီး.. ထားလိုက်ပါတော့ ဟီး.။.... စသည်ဖြင့် သရုပ်ဖော် ထည့်သွင်းတတ်ကြ၏။ ( သြော် ... ရှုပ်လေကောင်းလေ ဆိုသလိုကိုး ။ ဒါမှ မျက်စိလည်ပြီး လူတွေ ကြည့်ချင်လို့မဆုံးဖြစ်မယ်ထင်ပါ့)

(၆) ကိုရီးယားကားများကြည့်ပြီး လူဆိုးနှင့် ရဲများထက် ပိုက်ဆံချေးစားသည့် သူများကို ပိုကြောက်ရကြောင်း အံသြစွာ တွေ့ရှိရပေ၏။ ( အင်း .. ကိုကိုဖရီးလည်း ပရော်ဖက်ရှင်နယ် အကြွေးတောင်း အေဂျင်စီထောင်ဦးမှ .. ဟဲဟဲ)

(၇) ကိုရီးယားကားများတွင် မိန်းကလေးများအလွန်တရာမှ စိတ်ဆိုးလာပါက ရေဖြင့်မျက်နှာသစ်..အဲ.. ရေဖြင့်မျက်နှာကို ပက်ကုန်လေ့ရှိ၏။ ( မြန်မာမလေးများမူကား သည်းခံစိတ်ပြည့်ပြည့် နှုတ်ခမ်းကိုကိုက်ရုံမျှဖြင့် ဒေါသပြီးသွား တတ်ကြကြောင်း တွေ့ရပေ၏ )

(၈) ကိုရီးယားကားများတွင် မိန်းကလေးအဖို့ အိမ်ထောင်ကျသည်မှာ ထောင်ကျသည့်သဖွယ် ပင်ပန်းလှသော်လည်း ၄င်းတို့မှာ ယောက်ျားမရလျှင်ပင် လူဖြစ်ရကျိုးမနပ်သည့်သဖွယ် အသည်းအသန် လင်လိုချင်ကြပေသည်တကား။ ( မြန်မာမိန်းကလေးများ အတုယူကြပါကုန်လော့..ဟိ)

(၉) ကိုရီးယားကားများတွင် မိန်းကလေးနှင့်ယောက်ျားလေး နှစ်ဦးတည်းအိမ်တွင်နေထိုင်သော်ငြား (သို့) တစ်ခန်းတည်း အတူ အိပ်သော်လည်း ဟ၀ှာကိစ္စမျိုးမရှိတတ်ကြောင်း တွေ့ရ၏။ ( မြန်မာကားများတွင်မူ နှစ်ဦးတည်းအိမ်တွင်တစ်ညလောက်နေမိရုံမျှဖြင့် ဘ၀တစ်သက်တာ တာဝန်အတင်း ယူခိုင်းလိုက်ကြလေ သတည်း)

(၁၀) ကိုရီးယားကားများတွင် လူတိုင်းလိုလိုဟန်းဖုန်းရှိသော်လည်း မည်သူမျှ ခါးတွင်မျက်စိနောက်ဖွယ်ချိတ်ကာ ဟန်ပါပါ စတိုင်ထုတ် လမ်းမသလားကြပေကုန်။ ( မြန်မာများမူကား မျောက်အုန်းသီးရသည့်သဖွယ် အသံပေါင်းစုံ၊ ဖန်စီပစ္စည်းပေါင်းစုံနှင့် အားအားရှိ ဖုန်းကလိပြိုင်ကြကုန်ကြောင်း ကျွန်ုပ်တွေ့ရှိမိပေ၏)

ဤကား ကျွန်ုပ် ကိုကိုဖရီး၏ ကိုရီးယားရောဂါစစ်တမ်းဖြစ်ပေချေသည်တကား ။ ကောင်းမွန်ရိုသေစွာ မှတ်သား ကြကုန်လော့..ငှီးငှီးငှီး

ခင်မင်လေးစားစွာဖြင့် မူလလက်ဟောင်း ကိုကိုဖရီး

Dec 18, 2011

ဖရီးနှင့် ပုလင်းထောင်မိုးမောင် - ၂ ( ဇတ်သိမ်းပိုင်း)

မိုးမောင်၏ ရွဲ့တဲ့တဲ့ ခပ်တိုးတိုးပြောသံကို မကြားသည့် အလားကိုကိုဖရီး တစ်ယောက် ဖရီးရသည့် ပဲနံပြားနဲ့ လက်ဘက်ရည်အား ကျိတ်တွယ်နေလေသည်။ (ယခင်အဆက်).. ပြီးမှ..

ကိုယ့်အစီအစဉ်က ပါတီတွေအတွက်အခြေခံအသုံးအ၀င်ဆုံးသင်တန်းဆိုပြီး ပါတီဆိုင်းဘုတ်ခိုင်ခိုင်ထူနည်း၊ ကတ်ကင်းကျကျ ပါတီ နာမည်ပေးနည်း၊ ပါတီအမည်ကို စာလုံးပေါင်းမှန်မှန်ရေးနည်း၊ အနိုင်ကျင့်လို့ ရတဲ့ သူတွေဆီက ပိုက်ဆံညှစ်နည်း အဲ..ပါတီရန်ပုံငွေကောက်ခံနည်းတွေ အပါအ၀င် ပါတီစည်းရုံးရေး နည်းလမ်းတွေဖြစ်တဲ့ ပါးစပ်ဖြင့်ပြောခြင်း၊ စာဖြင့်ရေးခြင်း၊ ကိုယ်ထိလက်ရောက်လည်ပင်းညှစ်စည်းရုံးရေး နည်းလမ်း တွေကို ရက်တိုအထူးသင်တန်းဆိုပြီး ပေးမှာနော်..ဟဲ..ဟဲ..။ နေဦးဗျ..ခင်ဗျားနည်းလမ်းတွေက မရိုးလွန်း ဘူးလား..လုပ်စားမှန်းသိပ်သိသာ နေတယ်နော် ..ဟွန်း ။ လူလေးမိုးမောင်..မှတ်လော့ Simple is the best.. တဲ့ကွ။ ဘာလဲ..ပက်စီကြော်ငြာ စာသားလား။ အေးကွ..ဟီး။ နေဦး.. ခင်ဗျားကဒါတွေ ကိုယ်တိုင်သင်မလို့လား။ အိုး..နိုး..နိုး။ ဒါတွေ ငါကိုယ်တိုင် သင်စရာလားကွာ..ဟီး..ငါလဲမတတ်ဘူး။ ဟဲဟဲ..မင်းကလဲ.. ဆိုင်းဘုတ် ထောင်တာ လောက်တော့.. ရပ်ကွက်ထဲက အရန်မီးသတ် တစ်ယောက်လောက် သင်လဲရပါတယ်ကွ။ သူတို့က ဟိုဆိုင်းဘုတ်ဒီဆိုင်းဘုတ် လိုက်ထောင်နေကြပဲဟာ။ ဥပမာ..ဤနေရာတွင် “အမှိုက်မပုံရ ” ပုံ- ကိုယ်တိုင်ပုံသူ ..ဆိုတဲ့ ဟာမျိုးပေါ့။ အာ..ခင်ဗျားကလဲ..ဟား ဟား ဟား ။ ဒါဆို ပါတီနာမည်ပေးနည်းကျတော့ရော..။ သြော် ဒါလား..ဆရာကြီးမင်းသိင်္ခ.ရဲ့ ငါးဝမ်းကွဲတပည့်တို့ ..ရေမရောတပည့်စစ်စစ်တို့ဆိုပြီး နာမည်ခံခံတတ်တဲ့ ဗေဒင်ဆရာ တစ်ယောက်လောက်ဆိုရပါပြီကွာ။ အိုကေ..ဒါဆိုသိပြီ။ ပါတီစာလုံးပေါင်းနည်းကျတော့ ပြေတီဦးကို သင်ခိုင်းရမယ်။ သူက မြန်မာစာမြန်မာ စကားသင်နေတာဆိုတော့လေ။ ဟုတ်လိုက်လေ.. ကိုမိုးမောင်ရယ်..ခင်ဗျားလဲ ပုလင်းတင်မကဘူး အနံ့လေးပါပေးမှ သောက်ချင်..အဲအဲ..မြင်တတ်လာပြီ။ ကိုကိုဖရီး..ခင်ဗျားကလဲ.. အရက်သမား ဥပမာကကို မထွက်တော့ဘူး။ ပါတီ ရန်ပုံငွေကောက်ခံနည်း ကျတော့..နေဦး..အင်း.. ကိုကိုဖရီးမှ စဉ်းစားသလိုနှင့် ရူဘီတစ်လိပ်အား ဇိမ်ခံသောက်လိုက်လေသည်။ ပြီးမှ..ပိုက်ဆံကောက်တာဆိုတော့...အခွန်ကအငြိမ်းစား လူကြီးတစ်ယောက်ကို သင်ခိုင်းရင်ကောင်းမလား. ..။ ဟာ..ကိုကိုဖရီးကလဲ အဝေးကြီးရှာမနေပါနဲ့..ရပ်ကွက်ထဲ ပိုက်ဆံခဏခဏ လိုက်ကောက်တတ်တဲ့ ရပ်ကွက်လူကြီး..ဒါမှမဟုတ်..အလှူခံမဏ္ဍပ်က လူကြီးဆိုလဲ ရပါတယ်ဗျ။ အေး..ထားပါတော့ကွာ။ ဒါဆို ပါတီစည်းရုံးရေးကျတော့ရောဗျ။ ဒါကျတော့ ငါကိုယ်တိုင်သင်ပေးမှ ဖြစ်မယ်ကွ။ ကိုကိုဖရီး မှ လေးလေး နက်နက် ပြောလိုက်သော်လည်း မိုးမောင်မှ...သြော် .. သူ့ကျတော့ တော်တော်ခက်ခက်ခဲခဲ သင်ရမှာကိုး။ ဘာတဲ့.. ပါးစပ်ဖြင့်ပြောနည်း၊ စာဖြင့်ရေးနည်း..ဟုတ်လား။ ဟွန်း..ပါးစပ်ပါတဲ့သူတိုင်း..လက်ရှိတဲ့ သူတိုင်း သင်နိုင်တဲ့ဟာကိုး။ ဟေ့ ..လူကလေး မိုးမောင် ဒီလိုမပြောနဲ့လေ။ ပါးစပ်ပါတိုင်း.. စကားပြောလို့ရမှ.. လက်ရှိတိုင်း..စာရေးတတ်ဦးမှလေကွာ။ မင်းမယုံရင်..ကမ္ဘာကျော်ဘောလုံးသမား စီရော်နယ်ဒိုကို ပါတီနာမည်တစ်ခု မြန်မာလိုပြောခိုင်း ရေးခိုင်းကြည့်ပါလား...။ ဟာ..ဒါတော့ဘယ်ရမလဲ သူက နိုင်ငံခြားသားပဲ..မြန်မာစာမှ မတတ်တာ..။ ဟဲ..ဟဲ..ဒါပဲလေ..ဒိုလေးတောင်..မလုပ်နိုင်ပါဘူးလို့.။ ဟွန်း..ဘာမှလည်း မဆိုင်ဘူး..။ ထိုသို့မိုးမောင်၏ မကျေမနပ် ရေရွတ်သံကိုမူ ကိုကိုဖရီး.. မသိယောင်ဆောင်နေလိုက်၏။ တော်ကြာ..လက်ဖက်ရည်ဖိုးမရှင်းပေးရင် ဒုက္ခ ..။ ဒါဆို ကိုယ်ထိလက်ရောက်လည်ပင်းညှစ်စည်းရုံးရေး နည်းလမ်း လည်း..ခင်ဗျားပဲသင်မှာပေါ့။ ဟီး..ဒါတော့..ငါမသင်ချင်ဘူးကွာ။ ငါကမေတ္တာသမားဆိုတော့..ကိုယ်ထိလက်ရောက်ပြုရမှာ ၀န်လေးလို့။။ဟဲဟဲ..။ ဟိုတစ်လောက ငါ့ချစ်သူလေး..မော်ဒယ် မိုးပုစံ ကိုတောင်စိတ်ဆိုးတုန်း ခပ်ကြမ်ကြမ်း ဖက်နမ်းလိုက်မိတာ.. တွေးတိုင်း..စိတ်မကောင်းဘူး.. ဟိ ..ဟိ..ဟိ ။ သြော်...ခင်ဗျား စိတ်ဆိုးတာကလဲ..တ ဟိ..ဟိ.နဲ့..သွားရည်တောင်ထွက်လာသလိုပဲ။ ထားပါလေ...ဒါဆို ဒီအကြောင်း ဘယ်သူသင်မှာလဲဗျ..။ အေး..ငါစိတ်ကူးထားတာက..လုံးဂေါဖြစ်ဖြစ်..တွေ့မထောင်ဖြစ်ဖြစ်သင်ခိုင်းမလားလို့။ သူတို့က..လက်ရဲဇက်ရဲ ရှိတယ်လေကွာ..။ ဟုတ်ပါပြီ..ဒါဆိုခင်ဗျား..အစီအစဉ်က ဘယ်တော့စမလဲ...။ ကိုကိုဖရီးလဲ ဘယ်တော့စရမလဲဟုစဉ်းစားနေခိုက်..လောလောဆယ်မစရသေးသော မနက်ခင်း ရွှေဝမ်းတော်ကိစ္စကပေါ်လာသဖြင့်...အေးပါကွ..နေဦး..ငါလောလောဆယ် ဆောင့်ကြောင့်သွားထိုင်ရင်း စဉ်းစားလိုက်ပါ့မယ်..ဟီး....။ တော်ပါပြီဗျာ..စဉ်းစားမနေပါနဲ့တော့ အဟုတ်မှတ်လို့ နားထောင်နေတာ လက်ဖက်ရည်ဖိုးကုန်တာပဲ အဖတ်တင်တယ်။...တော်ပြီ..ကိုယ့်ဘာသာ ပေါ်ပင်ပါတီတစ်ခုခုထဲ ၀င်လိုက်တာမှ ဟုတ်တုတ်တုတ်ဗျ။ အေး....ကိုယ့်ဘာသာ ၀င်ချင်တဲ့နေရာသာဝင်လိုက်တော့ မိုးမောင်ရေ....ဖရီးကတော့..အိမ်သာထဲပဲဝင်ရတော့မယ်..တာ့တာ...။ အမလေး. ပြေးမှ.ထွက်ကုန်ပြီ.. ..ဖွတ်..ဖလွတ်..ဖလွတ်..ဗရစ်တစ်....တစ်..တစ်.. ဗွီ ..။ ။

ပြီးပါပြီ

မူလလက်ဟောင်း ဖရီး

( ကိုမိုးမောင်ရေ..ခင်ဗျားကအချွန်နဲ့မလိုက်တာ ခုမှပဲ ပြီးလို့ စိတ်အေးရတော့တယ်..ဟီး. .ရွေးကောက်ပွဲကြီးလဲပြီးသွားတာကြာပြီဗျ..ဟဲ..ဟဲ...)

Dec 17, 2011

ဂလိုဘယ်အမြည်းနှင့် ယမကာဖရီး- ၉(ဇတ်သိမ်းပိုင်းတော်ကြီး)

ထွန်းဂေါက်မြွေမှ ဖြူနုနေသော ကိုကိုဖရီးအား မလိုတမာဖြစ်စွာ ပြောလိုက်လေသည်။ ထိုအခါတွင် ငြိမ်နေသော...(ယခင်အဆက်) ပုလွေသင်ကာ.. အဲ..ပလေသင်ကာမှ.. “နေဦးဗျ..ဂန်ပါပီကြီးက ဘယ်တော့ပြန်လာမှာလဲ...သူကအကြွေးလာမဆပ်ရင်..ဂလိုဘဲကြီးတော့..အရင်းပြုတ်ပြီး ကျူပ်တို့လဲ သောက်စရာဆိုင်ရှိတော့မှာ မဟုတ်ဘူးနော်” “ဟာ..ဒါဆို ကောင်းတာပေါ့ နင်တို့လဲ အရက်ပြတ်ပြီလေ” ဟု အွန်လိုင်းမယ်တော်ကြီးတစ်ဦးမှ ၀င်ပြောလိုက်ရာ..“ ဟဲဟဲ ဆိုင်ရှင်က အရင်းမပြုတ်နိုင်ပါဘူး..သူကအရင်းကြီးတယ်လေ..ဟီး” “ဘာ..ဘာပြောတာလဲ နင်မညစ်ပတ်နဲ့နော်” ဟု ထွန်းဂေါက်မြွေ၏ စကားကို ဘလော့ဂါမမ မပျိုတပျို မအိုတအိုတို့မှ တစာစာ ၀ိုင်းဝန်းကန့်ကွက်ကြလေ သည်။ “အေးလေ..မင်းဟာကလဲ ..အရင်းမလွတ်အဖျားမလွတ်နဲ့ ဟီး ..” ဟု ကိုကိုဖရီးမှစကားစရုံရှိသေး.. ““ဟွန်း.တော်ပြီ..ခုမှပိုဆိုးကုန်ပြီ..ကြားရတာတောင် နားကြောစိမ့်လာပြီ ..အဟင့်” ဟု မတက်ဆင်ကြီးမှ ရှက်သွေးဖြာနေသော မျက်နှာကြီးဖြင့် ၀င်ဟန့်လိုက်လေသည်။ ဆိုင်ရှင် ဂလိုဘဲကြီးလဲ မနေသာတော့ပဲ.. ”ရပါတယ်..ကျုပ်က အရင်းခိုင်ပါတယ်ဗျ။ မပြုတ်နိုင်ပါဘူး ဟီး၊ အိမ်က စက်ရုံရောင်းပြီး အရက်ဆိုင် ဖွင့်တာပဲ။ ကိုယ်လဲသောက်ရ..ခုနှစ်ရက်သားသမီးလဲ သောက်ရအောင်လေ..ဟဲဟဲဟဲ” “သြော် သူ့ပဲ ..အရက်ဆိုင်ဖွင့်တာ ကျေးဇူးတင်ရမလိုဖြစ်နေပြီ ..ဟွန်း” မခင်ဦးမြွေမှ ခနဲ့လိုက်ရာ “ခင်ဗျားတို့ တင်ချင်နေမတင်ချင်နေ.. ကျုပ်တော့ တင်တယ်ဗျ..ရေ အကြွေး..အဲ..အရက်အကြွေးသောက်ရ နည်းလား.. အေ့..အော.. ” ဟု ရေမူးမူး..အဲ..အရက်မူးမူးနေသော ဟန်သစ်မိန်မှ ၀င်ပြောလိုက်သည်။ ဤသို့ ဆိုင်တွင်း၌ တစ်ယောက်တစ်ပေါက် ပြောဆိုနေကြစဉ်ပင်“.. .ဟောဟဲ..ဟောဟဲ..” .နောက်မှ ခွေးလိုက် ဆွဲသည့် သဖွယ် အူယားဖားယား ပြေးဝင်လာသောဂန်ပါပီကို အားလုံးတွေ့လိုက်ကြရသည်။ “..ဟာ..ဂန်ပါပီကြီး ဘာဖြစ်လာတာလဲ..အိုစမာကြီးဆီကရော ပါစင်းတိတ်ခ်ျ မရလာဘူးလား.. ဆိုမာလီတွေနဲ့ အဆင်ပြေတယ်မဟုတ်လား”.. “အမလေးနေပါဦးဗျာ..အဟင့်..ဟောဟဲဟောဟဲ..ဟောဟောဟဲဟဲ...။” ဂန်ပါပီကြီးခင်မျာ..အမေးများအား ပြန်မဖြေနိုင်သော်လည်း..ညကများသွား၍ မနက်ပြန်ဖြေနေရသည့်အလား ပလေသင်ကာရှေ့မှ အရက်တစ်ခွက် အား အလောတကြီးအရင်ကောက်မော့လိုက်လေသည်။ ပြီးမှ.. မရမ်းသီးစားပြီး မန်ကျည်းရည်သောက်လိုက်သော်လည်း..၀မ်းမသွားနိုင်သေးသည့် မချိပြုံးပြုံး မျက်နှာဖြင့်..“ ဒါတွေရဖို့ နေနေသာသာဗျာ..အသက်တောင်မနည်းလုပြေးလာရတယ်ဗျို့..အဘားအဘား..၀ူး” “ဘာဖြစ်လို့လဲဗျ”.. “ဘာဖြစ်ရမလဲ..အိုပါးကြီး..အဲ..အိုဘာမားကြီးက အိုစမာကြီးအိမ်ကို ၀င်အရှင်း ကျုပ်လဲအပြေးမြန်လို့ဗျို့။ အဲဒီ မုဒိန်း ဆိုလား မရိန်း ဆိုလား ..ဒီကောင်တွေဝင်စီးချိန်တုန်းက ကျုပ်နဲ့ အိုစမာကြီးက ဟိုကားတွေကြည့်ပြီး အိုစမာကြီး သူ့မိန်းမရှိတဲ့အိပ်ခန်းထဲ အမြန်ဝင်သွားတုန်းမှာပေါ့။” “ဟင်..ဘာ..ဘာကားလဲဗျ..”ကိုကိုဖရီးမှ စိတ်ဝင်တစား မေးလိုက်သည်။ “ ဟာ..ဒါဆို မဟုတ်မှလွဲရော..အဲဒီကားပဲ” ထွန်းဂေါက်မြွေကပါ ၀င်ဖွလိုက်သည်။ “ဟာ..ဘာတွေလဲဗျ... တစ်မျိုးမထင်ကြပါနဲ့..စစ်ေ၇းလေ့ကျင့်မှု ကားတွေပါဗျာ..ခင်ဗျားတို့ကလဲ”..“သြော် သိဘူးလေဗျာ..။ ဒါဆိုခင်ဗျား..သူနဲ့ ခင်ဗျားအလုပ်ကိစ္စတော့မပြတ်ဘဲ.. သူ့ကိစ္စပဲ ပြတ်သွားတာပေါ့။” ဟုတ်တယ်ဗျ။ ကျွန်တော်လဲ..ခပ်တည်တည်နဲ့ ဒီမှာ အိုစမာကြီးကို ကျွန်တော်လာပြီး ဖျောင်းဖျနေတာပါ ဘာညာဆိုပြီး ရောကြိတ်လိုက်ရတယ်။ တော်သေးတာပေါ့ဗျာ..ကျွန်တော့်ကို ဒီကောင်တွေမှတ်မိပြီး မပစ်လို့..ဟီး။ “မှတ်မိမှာပေါ့ ခင်ဗျားရုပ်ကို ။ လေဆာသွားတိုက်ဆေးကြော်ငြာမှာတွေ့ဖူးနေတာကိုး။ ” “ ပိုက်ဆံကိစ္စတော့ မပြောနဲ့တော့.. ပါကစ္စတန်ကနေ..ဒီကို လမ်းစရိတ်မရှိလို့ ကုန်းကြောင်းပြန်ပြေး လာတာသာကြည့်ပါတော့ဗျာ..အဟင့်..ဟင့်” ပြောရင်းဆိုရင်း ဂန်ပါပီကြီးခင်မျာ မထွက်သော မျက်ရည်ကို အတင်းဖျစ်ညစ် ငိုနေလေသည်။ “ ဟင်...ဒါဆို ကျွန်တော့်ရဲ့ အကြွေးတွေ.. အကြွေးတွေ ဆုံး.ဆုံး... ဂစ်.ဂစ်..ဂစ်.. ဆိုင်ရှင်ဂလိုဘဲကြီးခင်ဗျာ ပြောရင်းဆိုရင်း သွားရည်များထွက်ကာ တက်သွားလေတော့သည်။ “ဟင်..သူပြောတော့ အရင်းခိုင်တယ်ဆို..ခု ကြွေးမရလို့ တက်နေပြီ။” “ဟုတ်.သူက အရင်းသာခိုင်တာပါ. အဖျားကကြီး..အဲ..အဲ.. သူ့အကြွေးတွေ ဒီလူတွေဆီကဘယ်တော့မှမရနိုင်တော့ဘူးဆိုတာသိလို့ တက်သွားတာပါရှင့်”..ဟု.. ဒိ်ုင်နာရီကလေးမလေးမှ အကြောင်းသိသူပီပီ ၀င်ပြောလိုက်လေသည်။ “ဂလိုလား... ဒါဆိုအခြေအနေမကောင်းဘူး..တော်ကြာ ဂလိုဘဲကြီး ဒီလိုပုံနဲ့သေသွားရင် အသေမဖြောင့်ဘဲ..လိုက်ခြောက်နေဦးမယ်နော်..”ဂန်ပါပီကြီးမှ ထိုသို့ ကြောက်ကြောက်နှင့် ပြောလိုက်ရာ.. ကိုကိုဖရီးမှ..“သြော်..ဒါလား လွယ်ပါတယ်..အသေဖြောင့်အောင်..ကဲ..မိတ်ဆွေတို့ရေ.. ဂလိုဘဲကြီးကို ၀ါးလုံးနဲ့ ကျပ်စည်းလိုက်ကြစို့ဟေ့။ ဘယ်နေရာစည်းရမှာလဲကွ..မင်းကလဲ။ ဒီကောင့်မှာက ကောက်နေတာတွေ များတယ်။ ငါပြောတာ လက်ကိုပြောတာနော်။ ဟီး ။ သြော် ..အေး..ခေါင်းကနေ ခြေအထိ ဘေးကညှပ်စည်းလိုက်မယ်လေ..ဟိုမှာ ၀ါးလုံးတွေ။ ထိုကြောင့် အားလုံး အနားအုံလာပြီး ဂလိုဘဲကြီးအား ၀ိုင်းမြှောက်ကြရာတွင်.. ခေါင်းပိုင်းမှ အရင်ဆွဲမလိုက်သော ဟန်သစ်မိန်ကြီးကြောင့် မခိုင့်တခိုင်ဝတ်ထားသော ဂလိုဘဲကြီး၏ ပုဆိုးမှာ ချက်မှဒူးခေါင်းထိအောက်သို့ ပုံလျက်သားလျှောကျသွားလေတော့သည်။ ထိုအခါ...“ အမလေး”... “ဟောတော့”... “အာလားလား”...“ဟိုက်ရှားဘား..” ဟူသော ထိတ်လန့်သံဟု ဆိုရခက်ခက်၊ အံသြသံဟု ဆိုရန်မဟုတ်သေး၊ အထင်ကြီးအားကျသံဟု ပြောရမှာလဲ ခက်သော အသံများ ဂလိုဘဲကြီး၏ အရက်ဆိုင်အတွင်း၌ဝေစည်သွားလေတော့သည်။ ထိုသို့ ဖြစ်ရခြင်း၏ တကယ့်အဖြစ်မှန်မှာကား.................

( ဤနေရာတွင် ကျွ်နုပ်၏ ဂလိုဘယ်အမြည်းနှင့် ယမကာဖရီး အခန်းဆက် ၀တ္ထုတော်ကြီး ပြီးဆုံးပါလတံ္တ့။ စောင့်မျှော် ဖတ်ရှုပေးကြသော မိတ်ဆွေးအပေါင်းအား ကျေးဇူးတင်လျက်) မူလလက်ဟောင်း ကိုကိုဖရီး

မှတ်ချက် ။ ။ ပုဂ္ဂိုလ်ရေးအရတချို့ အချက်အလက်များကာကွယ်ထိန်းသိမ်းရပါသဖြင့် အဖြစ်မှန်သိလိုသူများ ကိုကိုဖရီး kokofreefree@gmail.com သို့ လူသိရှင်ကြား ဆက်သွယ်မေးမြန်းပေးပါရန် လေးစားစွာ ပန်ကြားအပ်ပါသည် ခင်ဗျာ ။

Dec 9, 2011

တောင်းပန်အသိပေးရှင်းလင်းကတိပြုဖောရှောအာဖြီးခြင်း

ခုတလော....ကိုကိုဖရီးပျောက်နေလို့ဆိုပြီး မိတ်ဆွေတွေက ပူပန်ကြတာ အားနာစရာဗျာ။ ပျောက်တာတော့ မဟုတ်ပါဘူး။ မတွေ့တာဖြစ်မှာပေါ့နော်။ ဟုတ်ဘူးလား။ ဟိ။ စာရေးရရင်ပြီးရောဆိုပြီး လက်နဲ့ပဲ စာရေး..အဲ..အဲဒီလိုမဟုတ်ပါဘူး.. ကမ္ဘာသူကမ္ဘာသာများ၇ဲ့ ငြိမ်းချမ်းသာယာမှုအတွက် ငြိမ်းချမ်းခရီး လှည့်လည်နေတယ် ဆိုပါတော့ဗျာ။ (အဟီး..ဆက်ဖြီးမှ ) ကိုကိုဖရီးဆို အအိပ်ပျက်. (ဘောပွဲကြည့်ခြင်းကြောင့်) . အစားပျက်..( သွားနာနေခြင်းကြောင့် ) ခံပြီး လူသားအကျိုးအတွက် ကမ္ဘာတစ်ခွင်လျှောက်သွား လိုက်တာ အာဖရိကဆို ဆိုမာလီယာ၊ ချဒ်၊ ဆူဒန်၊ အီသီယိုးပီး.ယား၊ တူနီရှား၊ အီဂျစ်၊ လစ်ဗျား နိုင်ငံတွေပေါ့ဗျာ။ အာရှဆိုလည်း အရှေ့အလယ်ပိုင်းတစ်ခွက် ပြဲပြဲစင်ဆိုပါ့တော့ဗျာ။ အစရေး ပါလက်စတိုင်း၊ ဆီးရီးယား၊ ယီမင်၊လက်ဘနွန်တွေပေါ့။ ကိုကိုဖရီးရဲ့ ငြိမ်းချမ်းရေးခရီး အောင်မြင်တာကို မိတ်တွေတို့ မြင်တွေ့ကြမှာပါနော်။ ဟီး။ ခုသူတို့အေ၇းမှာ ကိုကိုဖရီးရဲ့ ရှို့မီး...ဟုတ်ပေါင်..အဲ..ငြိမ်းချမ်းရေး စနက်တံကြောင့် လောင်သွားတာမဟုတ်ပါဘူးခင်ည။ အဟင့်..ဟင့် ။ သူ့ဘာသာလောင်ချင်နေတာ ကိုကိုဖရီးက ဓာတ်ဆီလေး ၂ ဂါလံလား လောင်းလိုက်မိတာပါခင်ည။ ဤသို့ ကမ္ဘာသူကမ္ဘာသာများ၇ဲ့ ငြိမ်းချမ်းသာယာမှုအတွက် ကမ္ဘာတစ်ခွင်ခရီးစဉ် (စိုးရန်အောင်မဟုတ်) နဲ့ ကိုကိုဖရီး အလေလိုက်ပြီးသကာလ မိခင်နိုင်ငံကြီးအတွက် သမိုင်းပေးတာဝန်ထမ်းရွက်ဖို့ အချိန်တန်လာတယ်ခင်ည။ ပြန်လာဖို့လဲ ဟိုဘဘကြီးက ခေါ်နေတာကိုး..ဟိ။ ထို့ကြောင့် ကိုကိုဖရီးတစ်ယောက် ကျည်မဖောက်၊ ဗုံးမတိုးနိုင်သော အကျီ င်္ကြီးဝတ်၊ တိုင်းရင်းသားဘာသာစကားပေါင်းစုံ ပြောနည်း စာအုပ်ကြီးကိုင်ကာ ပါးစပ်မှ သက်စောင့်ဂါထာအကြိမ်တစ်သန်းရွတ်၊ မီဒီယာတွေလုံးဝ ဂရုမစိုက်အောင် ဟိုမင်းသမီးရဲ့ ယောက္ခမကြီးပိုင် ကုန်မဏီကားကြီးနဲ့အထွက် ...အမလေးဗျာ..အဟင့်...ကိုကိုဖရီးဗွေဆော်ဦးရလိုက်တာက..စကဒ်ဒုံးကျည်လဲ ဟုတ်ဘူး။ အာပီဂျီဗုံးသီးလည်းဟုတ်ဘူး။ နျူကလီးယားဒုံးပျံလဲ ဟုတ်ဘူး။ အဟင့်ဟင့်... အိမ်ရှေ့အိမ်က လင်မယားရန်ဖြစ်ရင်း ကိုကိုဖရီးရဲ့ လေကြောင်းပိုင်နက်ကို ကျူးလွန် ရောက်ရှိလာတဲ့ ဒန်အိုးစုတ်တစ်လုံးဗျ.. တိန်...ဒေါင်..အမလိ.. တေပြီဆြာ..။. ဤသို့ဤနယ် ကမ္ဘာကြီး ငြိမ်းချမ်းရေးကို အမှုထားတဲ့ ကိုကိုဖရီးတစ်ယောက် ကိုယ့်နိုင်ငံ ကိုယ့်အိမ်ဝန်းကျင်တောင် ငြိမ်းချမ်းမှုရှိအောင် မဆောင်ရွက်နိုင်သေးဟု နဖူးမှ ဘုအား စမ်းပြီး သုံးသပ်ကာ နောက်ဆုံးအိမ်ထဲ ခပ်ကုပ်ကုပ်ဝင်ခဲ့ရလေတော့....သတည်း ..။ (သာဓုမခေါ်ရ)
မှတ်ချက်။
”မိတ်ဆွေများအတွက် ဂလိုဘယ်အမြည်းနှင့် ယမကာဖရီး (ဇတ်သိမ်းပ်ုင်း) ၊ ပုလင်းထောင် မိုးမောင် ( ဇတ်သိမ်ပိုင်း) များအား များမကြာမီ တင်ဆက်ပေးမည်ဖြစ်ပါကြောင်း ကြိုတင်အသိပေး အာပေးလိုက်တဲ့.. “
မူလလက်ဟောင်းဂန္ထ၀င်ကိုကိုဖရီး